11 व 12 डिसेंबर 2024 रोजी तालुकास्तरीय विज्ञान प्रदर्शनीमध्ये सहायक अध्यापिका सौ. सुरेखा ब्रम्हदेव हागे यांनी तयार केलेली प्रतिकृती खेळातून विज्ञान पर्यावरण प्राथमिक शिक्षक गटातून निवडून जिल्हास्तरासाठी पात्र ठरली. तसेच विद्यार्थी गटातून प्रज्वल महेश जाधव व सुरज प्रशांत आंबुसकार यांनी बनवलेल्या धान्य गाळणी यंत्र या प्रतिकृतीला प्रोत्साहनपर बक्षीस प्राप्त झाले. तेल्हारा पं. स. चे गटशिक्षणाधिकारी श्री. दिनेश दुतंडे व इतर मान्यवरांच्या हस्ते प्रमाणपत्र देऊन गौरव करण्यात आला. यावेळी केंद्रप्रमुख गोपाल मोहे, शाळा व्यवस्थापन समिती अध्यक्ष महेंद्र तायडे, उपाध्यक्ष सौ. शितलताई पाटोळे, सर्व सदस्य, मुख्याध्यापक सौ. शीलाताई टेंभरे, सहायक शिक्षक श्रीकृष्ण वाकोडे, राजेंद्र दिवनाले, निखिल गिऱ्हे,सुभाष कवटकार व विद्यार्थ्यांनी अभिनंदन केले.
Inspire Award 2023 - 2024
Inspire Award 2023 - 24 अंतर्गत जिल्हा परिषद वरिष्ठ प्राथमिक केंद्र शाळा खंडाळा येथील प्रतिकृतीची निवड.
तेल्हारा तालुक्यातील जिल्हा परिषद वरिष्ठ प्राथमिक केंद्र शाळा खंडाळा येथील इयत्ता सहावी मधील प्रज्वल महेश जाधव या विद्यार्थ्याने बनवलेल्या 'मल्टीपर्पज फर्टीलायझर पंप' या प्रतिकृतीची निवड करण्यात आली. पिकांच्या वाढीच्या अवस्थेत पिकांना खत देताना ते पानांवर पडते. त्यामुळे पिकांचे नुकसान होते. यासाठी बहुउपयोगी असलेले मल्टीपर्पज फर्टीलायझर पंप हे यंत्र वापरल्यामुळे पिकाच्या मुळाशी खत पडते. त्यामुळे पिकांचे नुकसान होत नाही. सदर यंत्राचा उपयोग ड्रिंचिंगसाठीसुद्धा करता येतो. सदर यंत्र बनवण्यासाठी खर्चही एकदम कमी येतो. शेतकऱ्यांच्या घरी उपलब्ध असलेल्या साहित्यामधूनच सदर यंत्र सहज तयार करता येते.
प्रज्वल महेश जाधव या विद्यार्थ्याने बनवलेल्या प्रतिकृती निर्मितीसाठी विज्ञान शिक्षक गोपाल मोहे व सौ. सुरेखा ब्रम्हदेव हागे यांनी मार्गदर्शन केले. इन्स्पायर अवार्ड मिळाल्याबद्दल केंद्रप्रमुख तथा मुख्याध्यापक सौ. शीला विनोदराव टेंभरे, शाळा व्यवस्थापन समिती अध्यक्ष दिनकर धुळ, उपाध्यक्ष नरेश पिलांत्रे, शाळा व्यवस्थापन समिती सदस्य, सहायक शिक्षक श्रीकृष्ण वाकोडे, ओमप्रकाश निमकर्डे, तुलसीदास खिरोडकार, राजेंद्र दिवनाले, निखिल गिऱ्हे व सुभाष कवटकार यांनी कौतुक केले. तेल्हारा तालुक्यातील यावर्षी एकूण चार प्रतिकृतींची निवड इन्स्पायर अवार्ड करिता करण्यात आली. त्यामध्ये जिल्हा परिषद केंद्र शाळा खंडाळा जिल्हा परिषदेची एकमेव शाळा आहे.
दि. 27 व 28 डिसेंबर 2023 रोजी स्वामी विवेकानंद ज्ञानपीठ तेल्हारा येथे आयोजित तालुकास्तरीय विज्ञान प्रदर्शनीमध्ये जिल्हा परिषद केंद्र शाळा खंडाळा येथील फळ तोडणी यंत्र या प्रतिकृतीस तिसरा क्रमांक मिळाला.
सहभागी विद्यार्थी - प्रज्वल महेश जाधव वर्ग 6 वा
सार्थक संतोष पिलांत्रे वर्ग 6 वा
=====================
दि . 06 व 07 जानेवारी 2023 रोजी संपन्न झालेल्या तालुकास्तरीय विज्ञान प्रदर्शनीमध्ये जिल्हा परिषद वरिष्ठ प्राथमिक केंद्र शाळा खंडाळा येथील विदयार्थ्यांनी शैक्षणिक खेळ ही प्रतिकृती सादर केली. शाळेमधील शुभाशिष दिनेश खंडेराव व करण देवानंद पाटोळे या विद्यार्थ्यांनी प्रतिकृतीचे उत्कृष्ट सादरीकरण केले. त्यांना मान्यवरांच्या हस्ते प्रमाणपत्र देऊन गौरवण्यात आले. सोबतच सहायक शिक्षक गोपाल मोहे यांनी सादर केलेल्या 'माझी शाळा माझी दिनदर्शिका' या प्रतिकृतीला प्राथमिक शिक्षक गटातून प्रथम क्रमांक प्राप्त झाला. या प्रतिकृतीची जिल्हास्तरीय विज्ञान प्रदर्शनासाठी निवड झाली.
शाळेत मुख्याध्यापिका सौ. शीलाताई टेंभरे, सर्व शिक्षक व विद्यार्थ्यांनी अभिनंदन केले.
=======================
No comments:
Post a Comment